சங்கராபுரம்,
சங்கராபுரம் மணிநதிக்கரை அருகே உள்ள அலமேலு மங்கை சமேத வெங்கடேச பெருமாள் கோவில் வளாகத்தில் ராமநவமி விழா நேற்று நடைபெற்றது. இதையொட்டி சீதை, ராமர் மற்றும் லட்சுமணருக்கு பால், தயிர், இளநீர், பன்னீர், சந்தனம் உள்ளிட்ட 16 வகையான பொருட்களை கொண்டு அபிஷேகம் செய்யப்பட்டது. பின்னர் பெருமாளுக்கு சிறப்பு அலங்காரம் செய்யப்பட்டு மகா தீபாராதனை காண்பிக்கப்பட்டது. பின்னர் அனைவருக்கும் பிரசாதம் வழங்கப்பட்டது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர். இதே போல் காட்டுவன்னஞ்சூர் ஸ்ரீ ராமபாத ஆஞ்சநேயர், தியாகராஜபுரம் குளத்தூர் லட்சுமி நாராயண பெருமாள் கோவில்களில் ராமநவமியையொட்டி சிறப்பு பூஜை நடைபெற்றது.
