ஆலந்தூர்,
சென்னை மீனம்பாக்கம் விமான நிலையத்தில் முன்னாள் மத்திய மந்திரியும், மறைந்த தி.மு.க. தலைவர் கருணாநிதியின் மகனுமான மு.க.அழகிரி நிருபர்களுக்கு பேட்டியளித்தார். அதன் விவரம் வருமாறு:-
சந்திக்கும் திட்டமில்லை
கேள்வி:- தி.மு.க. தலைவர் மு.க.ஸ்டாலினை சந்திப்பீர்களா?
பதில்:- சந்திக்க மாட்டேன். அதுபோன்ற திட்டம் எதுவும் இல்லை.
கேள்வி:- சென்னையில் நீங்கள் நடத்த இருக்கும் பேரணியில் எவ்வளவு பேர் கலந்துகொள்வார்கள்?
பதில்:- ஏற்கனவே சொல்லி இருக்கிறேன். ஒரு லட்சத்துக்கும் அதிகமானோர் பங்கேற்பார்கள்.
5-ந் தேதி முடிவு
கேள்வி:- தி.மு.க.வில் சேர்த்துக்கொண்டால் முக.ஸ்டாலினை தலைவராக ஏற்றக்கொள்ள தயார் என்று கூறியிருந்தீர்கள். ஆனால் தி.மு.க.வில் சேர்க்கும் அறிகுறிகள் எதுவும் தெரியவில்லையே, உங்களது அடுத்தகட்ட நடவடிக்கை என்ன?
பதில்:- 5-ந் தேதி உங்களை சந்தித்து முடிவு சொல்கிறேன். இவ்வாறு அவர் கூறினார்.