திருக்கோவிலூர்,
திருக்கோவிலூர் அருகே அரகண்டநல்லூரில் உள்ள ஒழுங்குமுறை விற்பனைக்கூடத்துக்கு விற்பனைக்காக தானிய மூட்டைகள் வரத்து நாளுக்கு நாள் அதிகரித்து வருகிறது. அதன்படி நேற்று முன்தினம் ஒழுங்கு முறை விற்பனைக்கூடத்துக்கு விவசாயிகள் விற்பனைக்காக 3 ஆயிரத்துக்கும் மேற்பட்ட நெல்மூட்டைகளை கொண்டு சென்றனர். அதனை வியாபாரிகள் போட்டி போட்டு வாங்கினர். இதன் மூலம் ஒரு மூட்டை நெல் அதிகபட்சமாக ரூ.1,830-க்கும் குறைந்தபட்சமாக ரூ. 1,259-க்கும் விற்பனையானது. இதேபோல் ஒரு மூட்டை மணிலா அதிகபட்சமாக ரூ.8.996-க்கும், குறைந்த பட்சமாக ரூ.8,659-க்கும், எள் அதிகபட்சமாக ரூ. 12 ஆயிரத்து 996-க்கும், குறைந்தபட்சமாக ரூ.6,869-க்கும், உளுந்து அதிகபட்சமாக ரூ.7,178-க்கும், குறைந்தபட்சமாக ரூ.6,889-க்கும், மக்காச்சோளம் அதிகபட்சமாக ரூ.2244-க்கும், குறைந்தபட்சமாக ரூ.2148-க்கும் விற்பனையானது. இது தவிர பச்சைப்பயிர், கேழ்வரகு, தினை உள்ளிட்ட தானிய மூட்டைகளும் விற்பனையானது. இதன் மூலம் தானிய மூட்டைகள் மொத்தம் ரூ.1 கோடியை 60 லட்சத்துக்கு தானியங்கள் விற்பனையானது. இந்த தகவலை ஒழுங்குமுறை விற்பனைக்கூட அதிகாரி ஒருவர் தெரிவித்தார்.