மாட்டு வண்டியில் மணல் கடத்தியவர் கைது

கே.வி.குப்பத்தை அடுத்த, கவசம்பட்டு பாலாற்றங்கரையில் போலீசார் ரோந்து பணியில் ஈடுபட்டிருந்தனர். அப்போது அதே பகுதியை சேர்ந்த பொன்னுசாமி (வயது 38) என்பவர் மாட்டு வண்டியில் மணல் கடத்தியது தெரியவந்தது.

இதுகுறித்து கே.வி.குப்பம் போலீஸ் சப்-இன்ஸ்பெக்டர் சிவசந்திரன் வழக்குப்பதிவு செய்து, பொன்னுசாமியை கைது செய்தார். மணலுடன் மாட்டு வண்டியும் பறிமுதல் செய்யப்பட்டது.