திண்டுக்கல் மாவட்டத்தில் வடகிழக்கு பருவமழை இந்த ஆண்டு பரவலாக பெய்தது. கடந்த ஒருவாரமாக மழை ஓய்ந்திருந்தது. இரவில் பனிப்பொழிவும், பகலில் வெயிலும் அடித்தது. இந்தநிலையில் திண்டுக்கல்லில் நேற்று பகலில் வானம் மேகமூட்டமாக காணப்பட்டது. மாலை 5 மணி அளவில் சாரல் மழை பெய்தது. அதன்பிறகு விட்டுவிட்டு பெய்த சாரல் மழை இரவு வரை நீடித்தது.
இதேபோல் பழனி மற்றும் சுற்றுவட்டார பகுதிகளிலும் நேற்று பகல் முழுவதும் வானம் மேகமூட்டத்துடன் காணப்பட்டது. இந்தநிலையில் இரவு 7 மணி அளவில் சாரல் மழை பெய்தது. பின்னர் விட்டு விட்டு மழை பெய்தது. இதனால் இரவில் குளிர்ச்சியான சூழல் நிலவியது. ஒட்டன்சத்திரம், வேடசந்தூர், வடமதுரை, நத்தம், நிலக்கோட்டை உள்ளிட்ட பகுதிகளிலும் சாரல் மழை பெய்தது.