இடையக்கோட்டை நேருஜி அரசு மேல்நிலைப்பள்ளியில் அறிவியல் கண்காட்சி நேற்று நடந்தது.
பேரிடர் மேலாண்மை, நீர்மேலாண்மை, திடக்கழிவு மேலாண்மை, காற்றாலை மின்சாரம் உள்ளிட்ட பல்வேறு அறிவியல் படைப்புகளை மாணவ-மாணவிகள் இந்த கண்காட்சியில் காட்சிப்படுத்தினர். மேலும் பள்ளி வளாகத்தில், இஸ்ரோ விஞ்ஞானிகள் மூலம் நிலவுக்கு அனுப்பப்பட்ட சந்திரயான்-3 விண்கலம் நிலவில் தரையிறங்கி நிற்பது போன்று பிரமாண்ட செட் அமைக்கப்பட்டிருந்தது.
ஆசிரியர்கள் உதவியுடன் மாணவ-மாணவிகள் அதனை அமைத்து காட்சிப்படுத்தினர். இது, கண்காட்சியை பார்வையிட வந்த மாணவ-மாணவிகள், பொதுமக்கள் என அனைவரையும் வெகுவாக கவர்ந்தது.