ஸ்ரீவில்லிபுத்தூர்,

நாம் தமிழர் கட்சி சார்​பில், கள் இறக்க அனு​மதி கோரி தூத்​துக்​குடி மாவட்​டத்​தில் கடந்த ஜூன் மாதம் போராட்​டம் நடத்​திய சீமான், பனை மரத்​தில் ஏறி கள் இறக்​கி​னார். இதற்கு கண்​டனம் தெரி​வித்த புதிய தமி​ழ​கம் கட்சி தலை​வர் டாக்​டர் கிருஷ்ண​சாமி, சீ​மான் மீது வழக்​குப் பதிவு செய்து நடவடிக்கை எடுப்​பதுடன் நாதக-வை தடை செய்ய வேண்​டும் என குரல் கொடுத்​தார்.

இதனைத் தொடர்ந்து ஆகஸ்ட் மாதம் தேனி​யில் தேவேந்​திரகுல வேளாளர் சமூகத்​தின் பட்​டியல் வெளி​யேற்ற கோரிக்​கையை வலி​யுறுத்தி பொதுக்​கூட்​டம் போட்​டார் சீமான். இந்​தக் கூட்​டத்​தில் டாக்​டர் கிருஷ்ண​சாமியை​யும், அவரது குடும்​பத்​தினரை​யும் ஒரு​மை​யில் கடுமை​யாக விமர்​சித்​தார் நாதக நிர்​வாகி​யான கல்​யாணசுந்​தரம். அதை ரசித்த சீமான், அந்த மேடை​யிலேயே அவரை ஸ்ரீவில்லிபுத்​தூர் தொகு​திக்​கான வேட்​பாள​ராக அறிவித்தார்.

இந்த நிலை​யில், கல்​யாணசுந்​தரத்தை மாற்ற வேண்​டும் என ஸ்ரீவில்​லிபுத்​தூர் நாதக நிர்​வாகி​கள் தலை​மைக்கு கோரிக்கை விடுத்​தனர். அவர்​களை அழைத்​துப் பேசிய சீமான், கல்​யாணசுந்​தரம் தான் வேட்​பாளர். நான் சொல்​வதை கேட்​டால் கேளுங்​கள்​... இல்​லா​விட்​டால் வெளி​யேறுங்​கள் எனச் சொன்​ன​தாகத் தெரி​கிறது.

இதையடுத்​து, நாதக தகவல் தொழில்​நுட்ப பாசறை​யின் மாநில இணைச் செய​லா​ளர் சுபாஷ், அமைச்​சர் கே.கே.எஸ்​.எஸ்​.ஆர். ராமச்சந்திரனை சந்​தித்து தன்னை திமுக-​வில் இணைத்​துக் கொண்​டார். இவரை தொடர்ந்து நாதக வழக்​கறிஞர் பாசறை​யின் மாநில இணைச் செய​லா​ளர் பிர​பாகர மூர்த்​தி, குரு​திக்​கொடை பாசறை செய​லா​ளர் ராம​ராஜ் உட்பட இரு​பதுக்​கும் மேற்​பட்ட நிர்​வாகி​களும் அமைச்​சர் கே.கே.எஸ்​.எஸ்​.ஆர். ராமச்சந்திரனை சந்​தித்து திமுக-​வில் தங்களை இணைத்துக்கொண்டனர்.

திமுக-​வில் இணைந்த இவர்​கள் அனை​வ​ரும் விருதுநகர் மாவட்​டத்​தில் உள்ள நாதக நிர்​வாகி​களை அமைச்​சர் கே.கே.எஸ்​.எஸ்​.ஆர். ராமச்சந்திரனிடம் அழைத்​துச் செல்​லும் முயற்​சி​யில் தற்​போது மும்​முர​மாக ஈடு​பட்டு வரு​வதாக தகவல்கள் தெரிவிக்கின்றன.