தமிழ்நாடு விளையாட்டு மேம்பாட்டு ஆணையத்தின் கீழ் செயல்படும் அரசு விளையாட்டு விடுதிகளில் மாணவர்கள் சேர்க்கைக்கான தேர்வு சென்னை, கோவை, அரியலூர், ஈரோடு உள்பட மொத்தம் 20 மாவட்டங்களில் நடந்து வருகிறது. இதில் கிரிக்கெட், கால்பந்து, தடகள போட்டிகளில் சிறந்த விளங்கும் மாணவ- மாணவிகளை தேர்வு செய்வதற்கான போட்டிகள் ஈரோடு வ.உ.சி. விளையாட்டு மைதானத்தில் நேற்று நடைபெற்றது. இந்த போட்டிகளில் மாணவ- மாணவிகள் ஆர்வமாக கலந்துகொண்டு தங்களது திறமைகளை வெளிகாட்டினார்கள். இந்த தேர்வு முடிவுகள் இணையதளத்தில் வெளியிடப்படும் என்று மாவட்ட விளையாட்டு அதிகாரி சதீஸ்குமார் தெரிவித்து உள்ளார்.
