சுந்தர பரிபூரண பெருமாள் கோவில் தேரோட்டம்

வள்ளியூர்:

வள்ளியூர் சுந்தர பரிபூரண பெருமாள் கோவிலில் ஆவணி திருவிழா கடந்த 29-ந் தேதி கொடியேற்றத்துடன் தொடங்கியது. இதை முன்னிட்டு சுவாமிக்கு சிறப்பு பூஜைகள், கும்பாபிஷேகம், சிறப்பு அபிஷேக பூஜை, தினமும் பல்வேறு வாகனங்களில் வீதி உலா வருதல் உள்ளிட்டவை நடைபெற்றது. 10-ம் திருநாளான நேற்று தேரோட்டம் நடந்தது. சுவாமி தேரில் எழுந்தருள ஏராளமான பக்தர்கள் பக்தி கோஷத்துடன் தேரை வடம் பிடித்து இழுத்தனர். நான்கு ரதவீதிகளிலும் தேர் வலம் வந்தது. ஏற்பாடுகளை கோவில் நிர்வாகத்தினர் மற்றும் பெருமாள் பக்தர்கள் குழு மற்றும் மண்டகபடிதாரர்கள் செய்திருந்தனர்.