புதுக்கடை அருகேகோவிலில் குத்துவிளக்குகள் திருட்டு

புதுக்கடை:

புதுக்கடை அருகே கைசூண்டி பகுதியில் மாடன் சாமி கோவில் உள்ளது. இந்த பகுதியில் எப்போதும் மக்கள் நடமாட்டம் அதிகமாக இருக்கும். இந்தநிலையில் இரவு கோவிலில் யாரோ மர்ம நபர் நுழைந்து, அங்கு இருந்த 5 குத்துவிளக்குகளை திருடி சென்று விட்டார். அவற்றின் மதிப்பு ரூ.16 ஆயிரத்து 500 ஆகும். இதுபற்றி கோவில் தலைவர் சந்திரகுமார் புதுக்கடை போலீசில் புகார் செய்தார். அதன்பேரில் போலீசார் வழக்குப்பதிவு செய்து விளக்குகளை திருடி சென்ற மர்ம நபரை தேடி வருகிறார்கள்.