கோயம்பேடு,
வெளிமாநிலங்களில் பெய்யக்கூடிய கனமழை காரணமாக சென்னை கோயம்பேடு காய்கறி சந்தைக்கு வரக்கூடிய காய்கறி வரத்து குறைந்து காய்கறிகள் விலை கணிசமாக உயர்ந்துள்ளது.
கனமழை காரணமாக வெளிமாநிலங்களில் இருந்து கோயம்பேடு காய்கறி சந்தைக்கு வரும் காய்கறிகளின் அளவு 7 ஆயிரம் டன்னில் இருந்து 5 ஆயிரத்து 500 டன்னாக குறைந்துள்ளது. இதனால் கடந்த சில தினங்களாக குறைந்து காணப்பட்ட காய்கறிகளின் விலை ரூ.10 லிருந்து ரூ.15 ஆக அதிகரித்துள்ளது.
சென்னை கோயம்பேடு காய்கறி சந்தையில் விற்பனை செய்யப்படும் காய்கறி விலை (கிலோவில்) நிலவரம் வருமாறு:-
வெங்காயம் - ரூ.21, நவீன் தக்காளி - ரூ.15, நாட்டு தக்காளி - ரூ.15, உருளை - ரூ.40, சின்ன வெங்காயம் - ரூ.38, ஊட்டி கேரட் - ரூ.65, ஊட்டி பீட்ரூட் - ரூ.50, கர்நாடக பீட்ரூட் - ரூ.22, முள்ளங்கி - ரூ.20, முட்டைக்கோஸ் - ரூ.30, வெண்டை - ரூ.15, உஜாலா கத்தரி - ரூ.25, வரி கத்தரி - ரூ.25, பாகற்காய் - ரூ.35, முருங்கைக்காய் - ரூ.35, புடலங்காய் - ரூ.20, சேனைக்கிழங்கு - ரூ.28.
