ஜெனிவா
கடந்த சனிக்கிழமையன்று கிளர்ச்சியாளர்கள் பிடியில் இருக்கும் சிரியாவின் டவுமா நகரில் டஜன் கணக்கான மக்கள் ரசாயன தாக்குதலில் கொல்லப்பட்டனர் என மருத்துவ வட்டாரங்கள் தெரிவித்தன.
சிரியா மற்றும் ரஷ்யா ரசாயன தாக்குதல் நடந்ததாக கூறப்படும் குற்றச்சாட்டை மறுக்கின்றன. ரசாயன ஆயுதங்கள் பயன்படுத்தப்பட்டதாக கூறப்படும் குற்றச்சாட்டுகளை அடுத்து பல்வேறு கண்டனங்கள் எழுந்தன.
அமெரிக்கா இது தொடர்பாக ராணூவ நடவடிக்கை எடுக்கப்படும் என எச்சரிக்கை விடுத்தது. இது தொடர்பான விசாரணை ஐ.நா பாதுகாப்பு மன்றத்தில் நடைபெற்றது.
சிரியா மீதான ரசாயன தாக்குதல் சம்பந்தமாக அமெரிக்காவும் ரஷ்யாவும் ஐ.நா பாதுகாப்பு மன்றத்தில் வார்த்தை போரில் ஈடுப்பட்டன. சிரியா டூமா மீது ரசாயன தாக்குதல் தொடுக்கப்பட்டது என்பது உண்மை அல்ல என்றும், அதற்கு அமெரிக்கா காட்டும் ராணுவ எதிர்வினைக்கு கடுமையான விளைவுகளை சந்திக்க நேரிடும் என்றும் ரஷ்யாவின் பிரதிநிதி வசிலி நபியென்சியா கூறினார்.
அமெரிக்க தூதர் நிக்கி ஹேலி சிரியா ராணுவத்துக்கு உதவும் ரஷ்யாவின் கரங்களில் சிரியா குழந்தைகளின் ரத்தம் படிந்துள்ளது என்றார்.