பெய்ஜிங்,
சீனாவில் இந்த ஆண்டு முன் எப்போதும் இல்லாத அளவுக்கு மின்சார தேவை அதிகரித்துள்ளது. அதற்கு ஏற்ப மின்உற்பத்தி இல்லாததால் பல பகுதிகளில் தொழிற்சாலைகள் கடுமையாக பாதிக்கப்பட்டுள்ளன. தொழிற்சாலைகளை தாண்டி வீடுகளுக்கான மின்சார விநியோகமும் பாதிக்கப்பட்டுள்ளது, எனவே பல பகுதிகள் இருளில் மூழ்கியுள்ளன.
இதன் காரணமாக வெளிநாடுகளுக்கு ஏற்றுமதி குறைந்துள்ளது, உலகம் முழுவதும் தேவைகள் அதிகரித்து வரும் நிலையில் சீனாவில் உற்பத்தி பாதிப்பு சர்வதேச அளவில் பாதிப்புகளை ஏற்படுத்தும் என நிபுணர்கள் எச்சரிக்கின்றனர்.
