அபுதாபி,
ஐக்கிய அரபு அமீரகத்தின் சுகாதாரத்துறை அமைச்சகம் வெளியிட்டுள்ள அறிக்கையின்படி, அங்கு கடந்த 24 மணி நேரத்தில் புதிதாக 2,018 பேருக்கு கொரோனா தொற்று உறுதி செய்யப்பட்டுள்ளதாக தெரிவிக்கப்பட்டுள்ளது. இதனால் அமீரகத்தில் இதுவரை கொரோனாவால் பாதிக்கப்பட்டவர்களின் மொத்த எண்ணிக்கை 4,30,313 ஆக உயர்ந்துள்ளது.
இதில் கடந்த 24 மணி நேரத்தில் 2,651 பேர் குணமடைந்து தங்கள் வீடுகளுக்கு திரும்பியுள்ளனர். இதன் மூலம் கொரோனா பாதிப்பில் இருந்து குணமடைந்தவர்களின் மொத்த எண்ணிக்கை 4,10,736 ஆக உயர்ந்துள்ளது. கொரோனா பாதிப்பு காரணமாக ஒரே நாளில் 4 பேர் உயிரிழந்தனர். இதனால் தற்போது உயிரிழந்தவர்களின் எண்ணிக்கை 1,406 ஆக அதிகரித்துள்ளது.
தற்போது ஐக்கிய அரபு அமீரகத்தில் 18,171 பேர் கொரோனா தொற்றுக்காக சிகிச்சை பெற்று வருவதாக அந்நாட்டு சுகாதாரத்துறை அமைச்சகம் தெரிவித்துள்ளது.