ஜெனீவா,
சீனாவின் உகான் நகரில் 2019 டிசம்பர் இறுதியில் வெளிப்பட்ட கொரோனாவின் ஆதிக்கம், இன்னும் உலக நாடுகளில் ஓயவில்லை. இந்த தொற்றினால் உலகமெங்கும் பலியானோர் எண்ணிக்கை 60 லட்சத்தை நெருங்குவதாக உலக சுகாதார அமைப்பு தெரிவித்துள்ளது.
கடந்த வெள்ளிக்கிழமையன்று இந்த அமைப்பு வெளியிட்ட அறிக்கையில், இதுவரை 44 கோடியே 62 லட்சத்து 04 ஆயிரத்து 203 பேர் தொற்றால் பாதிக்கப்பட்டுள்ளதாகவும், 60 லட்சத்து 18 ஆயிரத்து 146 பேர் பலியாகி உள்ளதாகவும் தெரிவித்துள்ளது.
அதிகபட்சமாக ஐரோப்பாவில் 18 கோடியே 12 லட்சத்து 75 ஆயிரத்து 264 பேர் பாதிக்கப்பட்டதாகவும், அமெரிக்க நாடுகளில் 14 கோடியே 76 லட்சத்து 55 ஆயிரத்து 931 பேர் பாதிக்கப்பட்டதாகவும் தெரியவந்துள்ளது.
கொரோனாவின் அதிகபட்ச தாக்குதலுக்கு ஆளான நாடுகளாக அமெரிக்கா, இந்தியா, பிரேசில் உள்ளன. கடந்த மாதம் 27-ந் தேதி வரை உலகளவில் 1,060 கோடி டோஸ் தடுப்பூசிகள் போடப்பட்டுள்ளன.