பாங்காக்,
ராணுவ மந்திரி நிர்மலா சீதாராமன் தலைமையில் ராணுவ அமைச்சக உயர் மட்டக்குழு ஒன்று தாய்லாந்து நாட்டுக்கு சென்றுள்ளது. இரு நாடுகள் இடையேயும் உறவை மேம்படுத்துவதற்காக ராணுவ மந்திரி இந்த பயணத்தை மேற்கொண்டு இருக்கிறார்.
நேற்று அவர், தாய்லாந்து பிரதமர் பிரயூத் சான்-ஓ-சாவை பாங்காக் நகரில் சந்தித்து பேசினார். இதேபோல் அந்நாட்டின் துணை பிரதமர் பிராவித் வோங்சுவானையும் நிர்மலா சீதாராமன் சந்தித்தார்.
இந்த சந்திப்புகளின்போது இரு நாடுகள் இடையேயும் ராணுவ ரீதியிலான உறவுகளை வலுப்படுத்துவது மற்றும் ஒருங்கிணைந்து செயல்படுவது குறித்து தலைவர்கள் விரிவாக விவாதித்தனர்.
