ரஷிய-உக்ரைன் போர்: உச்சம் தொட்ட உலோக விலை...!

உக்ரைன்,

உக்ரைன் மீது ரஷிய படைகள் உக்கிரமான தாக்குதலை 7-வது நாளாக நடத்தி வருகிறது. உக்ரைன் நாட்டின் ஏராளமான ராணுவ இலக்குகளை ரஷிய படைகள் தாக்கி அழித்துள்ளன. அதேபோல் உக்ரைன் தங்களை தற்காத்துக் கொள்ள, ரஷிய படைகளுக்கு பதிலடி கொடுத்து வருகிறது. இந்த மோதலில் இரு தரப்பிலும் பெரும் உயிரிழப்புகள் ஏற்பட்டுள்ளன.

உக்ரைன் போரை முடிவுக்கு கொண்டுவருவது தொடர்பாக ரஷியாவுக்கும், உக்ரைனுக்கும் இடையே பேச்சுவார்த்தை நடந்தாலும், மற்றொரு பக்கம் சண்டையும் உக்கிரம் அடைந்து வருவது சர்வதேச நாடுகளை அச்சுறுத்தி வருகிறது.

இந்த நிலையில், ரஷிய-உக்ரைன் மோதல் காரணமாக லண்டன் உலோக வர்த்தக வரலாற்றில் அலுமினியத்தின் விலை டன்னுக்கு 3,552 டாலர் என்ற உச்சத்தை எட்டியுள்ளது. இந்திய மதிப்பில் இதன் மதிப்பு 2 லட்சத்து 69 ஆயிரத்து 172 ஆகும். தொழில்துறை சார்ந்த உலோகங்கள் ரஷியாவில் அதிக அளவில் உற்பத்தியாகிறது என்பது குறிப்பிடத்தக்கது.