காபூல்,
ஆப்கானிஸ்தானில் ஆதிக்கம் செலுத்தி வரும் தலீபான் பயங்கரவாதிகளுக்கு எதிராக ராணுவம் அதிரடி நடவடிக்கையில் ஈடுபட்டு வருகிறது. அந்த வகையில் பக்லான் மாகாணத்தில் தலீபான்களின் கட்டுப்பாட்டில் உள்ள பக்லான்-இ-மர்காஷி மாவட்டத்தில் ஆப்கான் ராணுவ வீரர்கள் அதிரடி தாக்குதலில் ஈடுபட்டனர். பயங்கரவாதிகள் பதுங்கி இருந்த குகைகள் மற்றும் ஆயுதகிடங்குகள் மீது வான் வழியாகவும், தரைவழியாகவும் தாக்குதல்கள் நடத்தப்பட்டன. இதில் தலீபான் பயங்கரவாத இயக்கத்தின் முக்கிய தளபதிகளில் ஒருவரான முல்லா முகமது மற்றும் அவரது பாதுகாவலர் கொல்லப்பட்டனர். ஆப்கான் ராணுவம் வெளியிட்டுள்ள செய்திக்குறிப்பில் இந்த தகவல் தெரிவிக்கப்பட்டுள்ளது.