* லிபியாவில் டார்ஹுனா நகரில் பயங்கரவாதிகள் ஆளில்லா விமான தாக்குதல் நடத்தினர். இந்த தாக்குதலில் லிபிய கிழக்கு பிராந்திய படையினர் 3 பேர் பலியாகினர்.
* ரஷியாவில் யாரோஸ்லாவி பிராந்தியத்தில் பஸ்சும், லாரியும் மோதி நேரிட்ட விபத்தில் 9 பலியாகினர். 21 பேர் படுகாயம் அடைந்தனர்.
* சீனாவின் கிழக்கு பகுதியில் நடந்த எல்லை தாண்டிய தொலை தொடர்பு மோசடியில் 9 பேர் கைது செய்யப்பட்டுள்ளனர்.
* ஸ்பெயின் நாட்டில் பெய்த பலத்த மழையால் வெள்ளப்பெருக்கு ஏற்பட்டுள்ளது. அங்கு மழை, வெள்ளத்துக்கு 5 பேர் பலியாகினர்.
* வாஷிங்டனில் அமெரிக்க வெளியுறவு மந்திரி மைக் பாம்பியோவை, கினியா அதிபர் ஆல்பா கோண்டே சந்தித்து இரு தரப்பு உறவுகளை வலுப்படுத்துவது பற்றி ஆலோசனை நடத்தினார்.
* ஐரோப்பிய கூட்டமைப்பில் இருந்து இங்கிலாந்து வெளியேறுவது தொடர்பாக நான் பொது வாக்கெடுப்பு நடத்தியதை சிலர் ஒருபோதும் மன்னிக்க மாட்டார்கள் என்று இங்கிலாந்து முன்னாள் பிரதமர் டேவிட் கேமரூன் கூறி உள்ளார்.