வாஷிங்டன்,
பசுபிக் கடல் வழியாக போதைப்பொருள் கடத்தி வந்ததாக படகு மீது அமெரிக்கா நடத்திய தாக்குதலில் 5 பேர் உயிரிழந்தனர்.
வெனிசுலா, மெக்சிகோ உள்பட பல்வேறு நாடுகளில் இருந்து அமெரிக்காவுக்கு போதைப்பொருள் கடத்தி வரப்படுவதாக அமெரிக்க ஜனாதிபதி டிரம்ப் குற்றஞ்சாட்டி வருகிறார். மேலும், கடல் வழியாக போதைப்பொருள் கடத்தி வரும் கும்பல்கள் மீது தாக்குதல் நடத்தவும் டிரம்ப் உத்தரவிட்டுள்ளார்.
அதன்படி, கடல் வழியாக படகில் போதைப்பொருள் கடத்தி வரும் கும்பல்கள் மீது அமெரிக்கா தாக்குதல் நடத்தி வருகிறது. 70 முறைக்கு மேல் நடத்தப்பட இந்த தாக்குதல்களில் இதுவரை 240க்கும் மேற்பட்டோர் உயிரிழந்துள்ளனர்.
இந்நிலையில், கிழக்கு பசுபிக் கடல் வழியாக போதைப்பொருள் கடத்தி வந்ததாக சந்தேகிக்கப்படும் படகு மீது அமெரிக்கா நேற்று தாக்குதல் நடத்தியது. டிரோன் மூலம் நடத்தப்பட்ட இந்த தாக்குதலில் 5 பேர் உயிரிழந்தனர்.
