சென்னை பாடியில் உள்ள ஜெகதாம்பிகை சமேத திருவல்லீஸ்வரர் கோவில் கும்பாபிஷேகம் இன்று கோலாகலமாக நடைபெற்றது. பிள்ளையார்பட்டி ஸ்ரீ கற்பக விநாயகர் ஆலய தலைமை சிவாச்சாரியார் பிச்சை குருக்கள் தலைமையில் 75 சிவாச்சாரியார்கள் மகா கும்பாபிஷேகத்தை நடத்தினர்.
இதையொட்டி அதிகாலை 5 மணி முதலே வேத மந்திரங்கள் ஒலிக்கப்பட்டன. கோவிலின் நுழைவு வாயிலில் உள்ள ராஜ கோபுரம் மற்றும் உட்பிரகாரத்தில் உள்ள சிவலிங்கம், ஸ்ரீஜெகதாம்பிகை அம்பாள் ஆலய கோபுரத்திற்கு காலை 9.10 மணி அளவில் புனித நீர் ஊற்றி அபிஷேகம் செய்யப்பட்டது.
கும்பாபிஷேகம் முடிந்ததும் 5 டிரோன்கள் மூலம் பக்தர்கள் மீது மலர் தூவி, புனிதநீர் தெளிக்கப்பட்டது. கும்பாபிஷேக விழாவில் இந்து சமய அறநிலையத்துறை அமைச்சர் பி.கே.சேகர்பாபு உள்ளிட்ட பல்லாயிரக்கணக்கான பக்தர்கள் கலந்து கொண்டனர்.