சென்னை,
தமிழக பா.ஜனதா மாநில தலைவர் அண்ணாமலை கோவை நாடாளுமன்ற தொகுதி வேட்பாளராக களம் இறங்கினாலும், தமிழகம் முழுவதும் பா.ஜனதா மற்றும் கூட்டணி கட்சி வேட்பாளர்களை ஆதரித்து சூறாவளி தேர்தல் பிரசார சுற்றுப்பயணம் மேற்கொள்கிறார். அவருடைய பிரசார பயண விவரம் வருமாறு:-
29-ந்தேதி- ஸ்ரீபெரும்புதூர், திருவள்ளூர், வடசென்னை, மத்தியசென்னை, தென்சென்னை, 30-ந்தேதி- சிதம்பரம், நாகை, தஞ்சை, பெரம்பலூர், திருச்சி, 31-ந்தேதி- கரூரில் பிரசாரம் செய்கிறார்.
மேலும் 31-ந்தேதி முதல் ஏப்ரல் 3-ந்தேதி வரையில் தான் போட்டியிடும் கோவை தொகுதியில் வாக்குசேகரிப்பில் ஈடுபடுகிறார். 4-ந்தேதி- கன்னியாகுமரி, நெல்லை, தென்காசி, விருதுநகர், 5-ந்தேதி- ராமநாதபுரம், சிவகங்கை, மதுரை, தேனி ஆகிய தொகுதிகளில் பிரசாரம் மேற்கொள்கிறார்.
6-ந்தேதி முதல் 8-ந்தேதி வரையில் மீண்டும் கோவையில் வாக்கு சேகரிக்கிறார். 9-ந்தேதி- கிருஷ்ணகிரி, தர்மபுரி, வேலூர், திருவண்ணாமலை, 10-ந்தேதி நாமக்கல், திருப்பூர், பொள்ளாச்சி, 11-ந்தேதி கோவை, 12-ந்தேதி- கோவை, நீலகிரியில் பிரசாரத்தில் ஈடுபடுகிறார். அதன்பின்னர் பிரசாரம் முடிவடையும் வரையில் கோவையிலே முகாமிட்டு தீவிர பிரசாரத்தில் ஈடுபட உள்ளார்.