மீண்டும் மீண்டும் சாப்பிட தூண்டும் சுவை மிகுந்த 'ஈரல் வறுவல்'..

தேவையான பொருட்கள்: கோழி ஈரல், சின்ன வெங்காயம், பூண்டு, பட்டை, இஞ்சி, தேங்காய்த் துருவல், கிராம்பு, சோம்பு, எலுமிச்சம் பழச்சாறு, எண்ணெய், மிளகாய்த்தூள், தனியா தூள், மஞ்சள் தூள், கொத்தமல்லித் தழை, கறிவேப்பிலை, உப்பு

இஞ்சி, பூண்டு ஆகியவற்றை விழுதாக அரைத்துக்கொண்டு, தேங்காய்த் துருவலுடன் கிராம்பு, சோம்பு, பட்டை ஆகியவற்றைச் சேர்த்து நீர் தெளித்து அரைத்துக் கொள்ளுங்கள்.

ஈரலைச் சுத்தம் செய்து துண்டுகளாக நறுக்கிக் கழுவிப் பிழிந்து கொள்ளுங்கள். அந்த துண்டுகளை ஒரு பாத்திரத்தில் போட்டு இஞ்சி விழுது, பூண்டு விழுது, மஞ்சள் தூள், எலுமிச்சம்பழச் சாறு ஆகியவற்றைச் சேர்த்துப் பக்குவமாகப் புரட்டிவிட்டு ஊற வையுங்கள்.

வெங்காயத்தைத் தோலுரித்துக்கொள்ள வேண்டும். எண்ணெய் ஊற்றி அது காய்ந்ததும், வெங்காயத்தைத் வதக்கி கொள்ளுங்கள்.

பிறகு ஈரல் துண்டுகளை மசாலாவுடன் கொட்டி, அரைத்து வைத்திருக்கும் தேங்காய்க் கலவையைப் போட்டு உப்பு சேர்க்கவும். அரை கப் நீர் ஊற்றி, ஒரு தட்டால் மூடி வைத்து வேகவிடுங்கள்.

குறைந்த தீயில், மூடி போட்டு வேக விடவும். ஈரல் நன்கு வெந்து, மென்மையாகும் வரை சமைக்கவும். தேவைப்பட்டால் சிறிது தண்ணீர் தெளிக்கவும்.

ஈரல் துண்டுகளை அதிக நேரம் வேக வைக்கக்கூடாது. ஆகையால் அவை வெந்ததும் உடனே அடுப்பிலிருந்து இறக்கிவிட வேண்டும்.