கிறிஸ்துமஸ்..முட்டையில்லா வெனிலா கேக்.!!

தேவையான பொருட்கள்: பால் - 80 மி.லி, சர்க்கரை - 1 கப், மைதா மாவு - 1 கப், பேக்கிங் சோடா - ½ டீஸ்பூன் ,பேக்கிங் பவுடர் - 1 டீஸ்பூன், உப்பு - ¼ டீஸ்பூன், எண்ணெய் - ½ கப், வெனிலா எசன்ஸ் - ½ டீஸ்பூன், நெய் - தேவையான அளவு, லைன் பேப்பர் - 1, மணல் - 1 ½ கப் ஆகியவை.

செய்முறை: ஒரு பாத்திரத்தில் சலித்த சர்க்கரைப் மற்றும் ¼ கப் எண்ணெய் சேர்த்து பசை போல நன்றாகக் கலக்க வேண்டும்.

அதில் மைதா மாவு, பேக்கிங் சோடா, பேக்கிங் பவுடர், உப்பு மற்றும் ¼ கப் எண்ணெய் சேர்த்துக் கிளற வேண்டும்.

இந்தக் கலவையில் பாலை ஊற்றி, கட்டிகள் இல்லாதவாறு நன்றாகக் கலக்க வேண்டும்.

இறுதியாக அதில் வெனிலா எசன்ஸ் ஊற்றி மீண்டும் ஒரு முறை நன்றாகக் கலக்கவும்.

இப்போது கேக் தயார் செய்யும் பாத்திரத்தின் உட்பகுதி முழுவதும் நெய்யைத் தடவவும். அதற்குள் லைன் பேப்பரை வைத்து, அதன் மேல் கேக் கலவையைப் போட்டு காற்று குமிழ்கள் இல்லாத வகையில் சமன் செய்யவும்.

பிரஷர் குக்கரில் மணலைக்கொட்டி, அதிக தீயில் ஐந்து நிமிடங்கள் வரை வைக்கவும். பின்பு, சிறிய பாத்திர ஸ்டாண்டை மணலில் வைத்து, அதன் மேல் கேக் பாத்திரத்தை வைத்து குக்கரை மூடவும்.

பின் கேக் கலவையை குறைந்த தீயில் 45 நிமிடங்கள் வரை வேக வைத்து எடுக்கவும். பிறகு கவனமாக கேக்கை வெளியே எடுத்து, உங்கள் விருப்பப்படி அலங்கரித்து பரிமாறலாம்.