சுவையான முட்டை வெஜிடபிள் கட்லெட் செய்முறை!

தேவையான பொருட்கள்: வனஸ்பதி, மைதா, பால், வேகவைத்த முட்டை, கலக்கிய முட்டை, இஞ்சி, பச்சை மிளகாய் விழுது, உப்பு, மிளகாய்த்தூள், பிரட்தூள், வெங்காயம், நறுக்கி வேகவைத்த காய்கறிகள், எண்ணெய்

செய்முறை; வனஸ்பதியை வாணலியில் போட்டு உருக்கிக்கொண்டு மைதா சேர்த்து 1 நிமிடம் குறைந்த தணலில் நிறம் மாறாமல் வறுக்கவும்.

அதில் இளஞ்சூடான பாலை சிறிது சிறிதாகச் சேர்த்து கலந்துகொண்டே, கெட்டியாக சாஸ் போல வரும்வரை கிளறிவிடவும்.

வெந்ததும், அதோடு வதக்கிய வெங்காயம், வேகவைத்த காய்கறிகள், துண்டுகளாக நறுக்கிய முட்டைகள் அனைத்தையும் சேர்த்து நன்கு கலந்துவிடவும்.

ஆறிய பிறகு கட்லெட் வடிவில் தயாரித்துக்கொண்டு, கலக்கி வைத்துள்ள முட்டையில் தோய்த்து பிரட் தூளில் புரட்டி எடுக்கவும்.

பின்னர், சூடான எண்ணெய்யில் பொன்னிறமாக பொரித்தெடுக்கவும்.

இந்த முட்டை வெஜிடபிள் கட்லெட், சூடாக சாப்பிட சுவையாக இருக்கும்.