ரத்த குழாய்களில் அடைப்புகள் ஏற்படுவதை தடுக்க உதவும் உணவுகள்!

மாதுளை: இதில் ஆன்டி ஆக்சிடெண்டுகள் அதிகம் இருப்பதால் ரத்த குழாய்களில் கொழுப்பு படிவதை தடுக்க உதவும்.

பூண்டு: ரத்தக் குழாய்களில் அடைப்பை ஏற்படுத்தக் கூடிய கெட்ட கொலஸ்ட்ராலை கரைத்து வெளியேற்றும் தன்மை பூண்டுக்கு உண்டு.

பாதாம்: இதில் ஒமேகா-3 கொழுப்பு அமிலங்கள் அதிக அளவில் உள்ளன. இவை உடலில் உள்ள கெட்ட கொழுப்பின் அளவை குறைத்து நல்ல கொழுப்பின் அளவை அதிகரிக்க உதவி புரியும்

கிரீன் டீ: இதில் உள்ள ஆன்டி ஆக்சிடெண்டுகள் ரத்த குழாய்களை சுத்தம் செய்ய உதவும். அத்துடன் இதயத்தை சுற்றிலும் கொழுப்பு படிவதை தடுத்து இதய ஆரோக் கியத்தை பாதுகாக்கும்.

ஆளி விதை: இதிலும் ஒமேகா-3 எனப்படும் நல்ல கொழுப்பு அமிலங்கள் அதிக அளவில் உள்ளன. மேலும் எல்.டி.எல் எனப்படும் கெட்ட கொழுப்பை கரைத்து எச்.டி.எல் எனப்படும் நல்ல கொழுப்பின் அளவை அதிகரிக்கும் தன்மை கொண்டது.

வெங்காயம்: இதில் இதய ஆரோக்கியத்திற்கு நன்மை பயக்கும் பிளாவனாய்டு ஆன்டி ஆக்சிடென்டுகள் நிறைந்துள்ளன. இது நரம்புகள் மற்றும் தமனிகளில் ஏற்படும் வீக்கத்தை குறைப்பதன் மூலம் ரத்த ஓட்டத்தையும், இதய ஆரோக்கியத்தையும் மேம்படுத்த உதவும்.

மஞ்சள்-லவங்கப்பட்டை: மஞ்சள் இதயத் தசைகளை பாதுகாக்கும் தன்மை கொண்டது. லவங்கப் பட்டை ரத்த அழுத்தத்தை கட்டுப்பாட்டில் வைத்திருக்க உதவும்.

சிட்ரஸ் பழங்கள்: ஆரஞ்சு, எலுமிச்சை, சாத்துக்குடி போன்ற சிட்ரஸ் பழங்கள் ஆன்டி ஆக்சிடெண்டுகள் நிரம்ப பெற்றவை. மேலும் சிட்ரஸ் பழங்களில் இருக்கும் பொட்டாசியம் ரத்த அழுத்தத்தை கட்டுக்குள் வைத்திருக்கவும் உதவும்.