சால்மன் மீன் சாப்பிடுவதால் கிடைக்கும் ஆரோக்கிய நன்மைகள்!

சால்மன் மீனில் புரதம், ஒமேகா-3 போன்ற கொழுப்பு அமிலங்கள் நிறைந்துள்ளதால் ஆரோக்கியமான உணவில் முக்கிய பங்கு வகிக்கிறது. சால்மன் மீன் சாப்பிடுவதால் இதயம், தோல் மற்றும் ஒட்டுமொத்த ஆரோக்கியத்திற்கும் நன்மை பயக்கிறது.

கண் ஆரோக்கியம்: சால்மன் மீன் கண்களை பாதுகாக்கின்றன. அவை வயதினால் ஏற்படும் மாகுலர் சிதைவின் அபாயத்தைக் குறைக்கும் என்று மருத்துவர்கள் தெரிவிக்கின்றன.

எலும்பு ஆரோக்கியம்: ஆரோக்கியமான எலும்புகளை பராமரிக்க உதவும் சால்மன் மீனில் வைட்டமின் டி அபரிமிதமாக உள்ளது. இது ஆஸ்டியோபோரோசிஸ் நோய்க்கு எதிராக செயல்பட்டு, பலவீனமான எலும்புகளை பாதுகாத்து, வலுவாக்க செய்கின்றன.

சரும ஆரோக்கியம்: இதில் உள்ள புரதம் மற்றும் ஒமேகா 3 கொழுப்பு அமிலங்கள் சருமம், முடி ஆரோக்கியத்திற்கு உதவுகின்றன. இது சருமத்தின் சுருக்கங்களின் தோற்றத்தை குறைக்கவும், சரும செல்களை சேதத்திலிருந்து பாதுகாக்கவும் உதவி புரிகின்றன.

இதய ஆரோக்கியம்: இரத்த அழுத்தத்தைக் குறைத்து, கொலஸ்ட்ரால் அளவை மேம்படுத்தும். இதன் மூலம் இதய நோய் ஏற்படும் அபாயத்தை குறைக்க முடியும்.

மூளை ஆரோக்கியம்: மேலும் இது நினைவாற்றலைத் தக்கவைத்து மூளை ஆரோக்கியத்தை மேம்படுத்துகின்றன. குறிப்பாக வயதாகும் போது ஏற்படும் ஞாபக மறதி அபாயத்தைக் குறைக்கும்.

வீக்கம் குறைதல்: இதில் உள்ள ஒமேகா -3 கொழுப்பு அமிலங்கள் அழற்சி எதிர்ப்பு பண்புகளைக் கொண்டுள்ளன. உடல் முழுவதும் உருவாகும் வீக்கத்தைக் குறைக்க உதவுகின்றன.