ஆரோக்கியம் நிறைந்த சுவையான மிளகு, சீரக சாதம்..!

தேவையான பொருட்கள் : புழுங்கலரிசி, மிளகு, சீரகம், நெய், முந்திரிப்பருப்பு, உப்பு, வெங்காயம், கடுகு, கறிவேப்பிலை, வேர்க்கடலை ஆகியவை.

செய்முறை : முதலில் வெங்காயத்தை பொடியாக நறுக்கி கொள்ளவும்.

அரிசியைக் நன்றாக கழுவி உதிரியாக வடித்து ஆற வைத்து கொள்ளவும்.

வெறும் வாணலியில் மிளகு, சீரகம் இரண்டையும் தனித்தனியாகப் போட்டு வறுத்தெடுத்து, கொரகொரப்பாகப் பொடித்துக் கொள்ளவும்.

ஒரு வாணலியை அடுப்பிலேற்றி அதில் நெய்யை விட்டு சூடானதும் கடுகு, கறிவேப்பிலை, வேர்க்கடலை, முந்திரிப்பருப்பைப் போட்டு வறுக்க வேண்டும்.

பின் அதில் வெங்காயத்தை போட்டு சிறிது வதக்கிய பின்னர் வேக வைத்துள்ள சாதம், மிளகு, சீரகப் பொடி, உப்பு ஆகியவற்றை போட்டு நன்கு கிளறவும்.

தொடர்ந்து 5 நிமிடம் மிதமான தீயில் மூடிவைத்து இறக்கவும். சுவையான ஆரோக்கியமான மிளகு, சீரக சாதம் ரெடி.