காரசாரமான நல்லி எலும்பு ரசம் செய்வது எப்படி..!

தேவையான பொருட்கள்: நல்லி எலும்பு, வெங்காயம், இஞ்சி பூண்டு பேஸ்ட், மிளகு தூள், சீரகப் பொடி, மஞ்சள், உப்பு, எண்ணெய் - தேவையான அளவு

தாளிக்க : இஞ்சி பூண்டு பேஸ்ட், கொத்தமல்லி, மிளகு ஆகியவை

செய்முறை: நல்லி எலும்பை நன்றாக சுத்தம் செய்து கொள்ளவும். வெங்காயம், கொத்தமல்லியை பொடியாக நறுக்கி கொள்ளவும்.

குக்கரில் நன்கு சுத்தம் செய்யப்பட்ட ஆட்டுக்காலை போட்டு தண்ணீர் ஊற்றி அதனுடன் இஞ்சி பூண்டு பேஸ்ட் சேர்த்து நன்கு கிளறவும்.

பின்னர் உப்பு, சிறிது கொத்தமல்லி தழை, மிளகு தூள், வெங்காயம், சீரகப் பொடி, மஞ்சள் சேர்த்து நன்குக் கலந்து குக்கரை மூடி அடுப்பில் குறைவான தீயில் 30 நிமிடங்கள் வேக வைக்கவும்.

கடாயில் எண்ணெய் விட்டு சூடானதும் அதில் இஞ்சி பூண்டு பேஸ்ட் சேர்த்து வதக்கவும்.

பின் வேக வைத்த மட்டன் தண்ணீரை ஊற்றவும். இறுதியாக மிளகு தூள், கொத்தமல்லி தழை தூவி ஒரு கொதி வந்ததும் இறக்கவும். இப்போது காரசாரமான நல்லி எலும்பு ரசம் தயார்.