முதுகுவலியா உங்களுக்கு...கவலை வேண்டாம், இதை சாப்பிடுங்கள்!

இயல்பான உணவு வகைகளை உட்கொள்வதன் மூலமாகவே, ஆரம்ப கால முதுகுவலியை விரட்டலாம். இதோ அதற்கான சில வழிகாட்டுதல்கள்.

கத்தரிக்காய், முருங்கைக்காய், கீரை, புரோக்கோலி போன்றவற்றால் முதுகெலும்பு வலுப்பெறுகின்றன. அவை சேதமடைந்த செல்களை சீரமைக்கவும் உதவும்.

இஞ்சியில் அழற்சி எதிர்ப்பு பண்புகள் உள்ளன. மேலும் மஞ்சள் போன்றவை வலியைக் குறைத்து நமது நோய் எதிர்ப்பு சக்தியை மேம்படுத்துகிறது.

புளூபெர்ரி, அன்னாசி மற்றும் திராட்சை போன்ற ஆக்ஸிஜனேற்றங்களைக் கொண்ட பழங்கள் உங்கள் முதுகெலும்பு ஆரோக்கியத்திற்கு சிறந்தது.

தினை, உளுத்தம் பருப்பு, பீன்ஸ், எள் போன்றவை புரதச்சத்து, இரும்புச்சத்து, தாதுக்கள் மற்றும் வைட்டமின்கள் நிறைந்தவை. இவை சேதமடைந்த திசுக்களை சரிசெய்து விரைவாக குணமடைய உதவும்

கால்சியம் குறைபாடு காரணமாக எலும்பு வலி, தசைப்பிடிப்பு ஏற்படலாம். கால்சியம் மற்றும் வைட்டமின் டி அகியவை முதுகுவலிக்கு சிறந்த மருந்தாகவும் செயல்படும்.

எனவே பால், தயிர், வெண்ணெய், பாலாடைக்கட்டி போன்ற பால் பொருட்களை, அன்றாட உணவில் அதிகமாக சேர்த்து கொள்ளுங்கள்.