ஞாபக சக்தியை அதிகரிக்க சாப்பிட வேண்டிய முக்கிய உணவுகள்!

மூளையின் செயல்பாட்டிற்கு உதவும் உணவு வகைகளில் சிறந்து விளங்குபவை மீன் உணவுகள் ஆகும். டுனா, சாலமன், சார்டைன் உள்ளிட்ட மீன்களில், ஒமேகா 3 கொழுப்பு அமிலங்கள் அதிகளவில் உள்ளன.

பெர்ரி பழங்களில் குவர்செடின் என்னும் மூளைச் செல்களில் இயக்கத்தை அதிகரிக்கும் பொருள் உள்ளது. அதிலும் சில பெர்ரி பழங்களான ராஸ்ப்பெர்ரி, ப்ளூபெர்ரி போன்றவை மிகவும் சிறந்தது.

பச்சை இலை வகைகளான கீரைகள், புரோக்கோலி உள்ளிட்டவைகளில் உள்ள அத்தியாவசிய வைட்டமின்கள், மினரல்கள் மற்றும் ஆன்டி ஆக்சிடண்ட்கள், மூளையின் வளர்ச்சி மற்றும் செயல்பாடுகளுக்கு சிறந்த முறையில் துணைபுரிகிறது.

மூளையின் ஞாபக சக்தியை அதிகரிக்கும் செல்களின் முக்கியமானது தான் கோலைன் சத்து. இது முட்டையில் அதிகம் இருக்கிறது.

கிரீன் டீயில் மூளைச் செல்கள் பாதிப்படையாமல் தடுக்கும், பாலிபீனால் என்னும் சக்தி வாய்ந்த ஆன்டி-ஆக்ஸிடன்ட் உள்ளது. எனவே இதனை குடிப்பதால் ஞாபக சக்தி அதிகரிப்பதோடு, சோர்வான மனநிலை மாறும்.

தேனில் அளவற்ற நன்மைகள் அடங்கியுள்ளன. அவற்றில் ஞாபக சக்தியை அதிகரிப்பதும் ஒன்று. எனவே தினமும் காலையில் எழுந்து ஒரு ஸ்பூன் தேனை சாப்பிட்டால், எடை குறைவதோடு, ஞாபக சக்தியும் அதிகரிக்கும்.

நட்ஸில் மூளையின் சக்தியை அதிகரிக்கும் வைட்டமின் ஈ மற்றும் பி6 இருக்கிறது. எனவே தினமும் ஒரு கை பாதாம், பிஸ்தா போன்றவற்றை சாப்பிடுவது, ஞாபக சக்திக்கு மட்டுமின்றி, முழு உடலுக்கும் நல்லது.

தண்ணீர் குறைவானால் மூளையில் செயல்பாடும் குறைந்து, மூளையில் வறட்சி ஏற்பட்டு ஞாபக சக்தியும் குறைந்துவிடும். அதிகப்படியான தண்ணீர் குடிப்பதால், மூளைச்செல்கள் சுறுசுறுப்போடு செயல்படும்.