அளவுக்கு அதிகமாக பிஸ்கட் சாப்பிடுவது கெட்டதா?

பிஸ்கட்டில் உடலுக்குத் தேவையான ஊட்டச்சத்துப் பொருட்கள் பெரும்பாலும் இல்லை என்றே சொல்லலாம். அநேகமாக எல்லா வகை பிஸ்கட்டுகளிலும் சர்க்கரை அளவு அதிகமாகத் தான் இருக்கும்.

உடலுக்குக் கேடு விளைவிக்கக்கூடிய கெட்ட கொழுப்பு அதிகமாக இதில் உள்ளது. தினமும் தொடர்ந்து பிஸ்கட் சாப்பிட்டு வந்தால், மலச்சிக்கலை உண்டுபண்ணிவிடும்.

பிஸ்கட்டில் அதிக கலோரி இருப்பதால் தினமும் சாப்பிடுபவர்களுக்கு உடல் எடையை கூட்டிவிடும்.

பிஸ்கட்டில் 'டிரான்ஸ்பேட்' என்று சொல்லக்கூடிய மாறுபட்ட கொழுப்பு இருக்கும். இந்த மாறுபட்ட கொழுப்பு தீய கொலஸ்ட்ரால் அளவுகளை அதிகமாக்கியும் நல்ல கொலஸ்ட்ரால் அளவுகளை குறைத்தும்விடும்.

அதிக கலோரி, அதிக மாவுச்சத்து, அதிக கொழுப்பு, அதிக அளவில் சோடியம் உப்பு, அதிக சர்க்கரை ஆகியவை இருப்பதால் அன்றாடம் பிஸ்கட் சாப்பிடுபவர்களுக்கு அஜீரணம், மந்தம், மலச்சிக்கல் போன்ற கோளாறை உண்டுபண்ணிவிடும்.

பிஸ்கட்டில் தண்ணீரின் சதவீதமும் குறைவாக உள்ளது. இதனால் இதை அதிகம் சாப்பிடுவதால் உடல் வறட்சி அடையும்.

அளவுக்கு அதிகமாக இதை சாப்பிடுபவர்கள் இதய நோய் அபாயத்திலும் சிக்கக்கூடும் என மருத்துவர்கள் எச்சரிக்கின்றனர்.