மழைக்காலத்தில் சளி, இருமல் ஏற்படுவதை தவிர்க்க எளிய தீர்வு!

அதிகாலை எழுந்ததும் வெதுவெதுப்பான நீரில் உப்பு கலந்து வாய் கொப்பளிப்பது சிறப்பானது. அது தொண்டையில் ஏற்படும் கரகரப்பு தன்மையை நீக்கும்.

சுடு நீரில் சிறிதளவு சுக்கு தூள், எலுமிச்சை சாறு, தேன் கலந்தும் பருகலாம்.

காலை வேளையில் சூடான நீரில் லவங்கபட்டை தூள் மற்றும் தேன் கலந்து பருகி வரலாம். அதுவும் தொண்டைக்கு இதமளிக்கும்.

ஏலக்காய்யை பொடித்து டீயாக தயாரித்தும் பருகலாம். அது மழைக்கால நோய் தொற்றுகளில் இருந்து காக்க உதவும்.

வெங்காயம், இஞ்சி சாறு, தேன் இவை மூன்றையும் ஒன்றாக கலந்து பருகுவதும் சளி தொந்தரவுக்கு தீர்வளிக்கும்.

குங்குமப்பூவை பாலுடன் கலந்து பருகுவதும் சளி பிரச்சினையை போக்க உதவும்.

மழைக்காலங்களில் மஞ்சள் தூளை பாலில் கலந்து பருகி வருவதும் நோய் எதிர்ப்பு சக்தியை மேம்படுத்தும்.

பூண்டு-வை சூப்பாகவோ, சமையலில் சேர்த்தோ சாப்பிட்டு வரலாம். அதுவும் சளி, இருமலை சுலபமாக கட்டுப்படுத்திவிடும்.