சண்டே ஸ்பெஷல்...சூப்பரான மீல் மேக்கர் பிரியாணி செய்யலாம் வாங்க!

தேவையான பொருட்கள்: பாசுமதி அரிசி - 2 கப், மீல் மேக்கர் - 1 கப், பெரிய வெங்காயம் - 2, தக்காளி -2, இஞ்சி பூண்டு விழுது- 2 டீஸ்பூன், பச்சை மிளகாய் - 2-3, புதினா இலை - ஒரு கைப்பிடி, கொத்தமல்லித் தழை- ஒரு கைப்பிடி, பிரியாணி மசாலா - 2 டீஸ்பூன், மஞ்சள் தூள் - ½ டீஸ்பூன், மிளகாய்த் தூள் - 1 டீஸ்பூன், தயிர் - ½ கப், எலுமிச்சை -½ பழம், எண்ணெய் - 3 டீஸ்பூன், நெய் - 2 டீஸ்பூன், உப்பு- தேவைக்கேற்ப

தாளிப்பதற்கு: பட்டை -1, கிராம்பு -3, ஏலக்காய் -2, அன்னாசிப்பூ -1, பிரியாணி இலை -1

செய்முறை: முதலில், மீல் மேக்கரை வெதுவெதுப்பான நீரில் 15-20 நிமிடங்கள் ஊறவைத்து, அதன் பிறகு தண்ணீரை நன்கு பிழிந்து எடுத்துக்கொள்ளவும்.பாசுமதி அரிசியை கழுவி, 30 நிமிடங்கள் ஊறவைக்கவும்.

ஒரு குக்கரில் எண்ணெய், நெய் சேர்த்து சூடாக்கவும். அதில் பட்டை, கிராம்பு, ஏலக்காய், அன்னாசிப்பூ, பிரியாணி இலை சேர்த்து தாளிக்கவும். நறுக்கிய வெங்காயத்தை சேர்த்து பொன்னிறமாக வதக்கவும்.

இஞ்சி பூண்டு விழுது மற்றும் பச்சை மிளகாய் சேர்த்து வாசனை வரும் வரை வதக்கவும். நறுக்கிய தக்காளியை சேர்த்து மென்மையாகும் வரை வதக்கவும். பிரியாணி மசாலா, மஞ்சள் தூள், மிளகாய்த் தூள் மற்றும் உப்பு சேர்த்து நன்கு கலக்கவும்.

மீல் மேக்கரை சேர்த்து 2 நிமிடங்கள் வதக்கவும். தயிர், புதினா, கொத்தமல்லித் தழை சேர்த்து நன்கு கலக்கவும். ஊறவைத்த அரிசியை சேர்த்து 1 நிமிடம் வதக்கவும். அரிசிக்குத் தேவையான அளவு தண்ணீர் மற்றும் அரைப்பழம் எலுமிச்சை சாறு சேர்த்து கலக்கவும்.

குக்கரை மூடி, ஒரு விசில் வரும் வரை மிதமான தீயில் வேகவைக்கவும். பிரஷர் அடங்கியதும் குக்கரை திறந்து, மெதுவாக பிரியாணியை கிளறவும்.

குறிப்பு: மீல் மேக்கரை வேகவைக்கும் போது சிறிது உப்பு சேர்த்துக் கொண்டால் சுவை கூடும். பிரியாணியுடன் வெங்காயப் பச்சடி அல்லது கத்திரிக்காய் தொக்கு சேர்த்து சாப்பிட்டால் சுவையாக இருக்கும்.