சரும அழகை மேம்படுத்தும் காய்கறிகள்!

சரும அழகை பாதுகாப்பதில், ஆன்டி ஆக்ஸிடென்டுகள் முக்கிய பங்கு வகிக்கின்றன. இயற்கை முறையில் முக பொலிவை கூட்டவும், ஸ்கின் டோனை அதிகரிக்கவும் ஆன்டி ஆக்ஸிடென்டுகளே வழிவகுக்கின்றன.

புரோக்கோலி: புரோக்கோலியில் லுடீன், ஜிக்ஸாந்தின் போன்ற கரோட்டினாய்டுகள் மற்றும் பீட்டா கரோட்டின் போன்ற ஆன்டி ஆக்ஸிடென்டுகள் உள்ளன.

தக்காளி: தக்காளி ஆன்டி ஆக்ஸிடென்டுகளின் சிறந்த ஆதாரமாகும். தக்காளியில் வைட்டமின் ஏ மற்றும் வைட்டமின் சி நிறைந்துள்ளது. சரும அழகை மேம்படுத்த நினைத்தால் அதற்கு 'பெஸ்ட்' உணவு தக்காளி தான்.

உருளைக்கிழங்கு: உருளைக்கிழங்குகளில் அதிக அளவு ஆக்ஸிஜனேற்ற கலவைகள் உள்ளன. மேலும் வைட்டமின் சி, பொட்டாசியம் மற்றும் மெக்னீசியம் ஆகியவை அதிக அளவில் நிறைந்து உள்ளதால் சரும அழகை பாதுகாக்கும்.

ஊதா முட்டைக்கோஸ்: இது தசை வீக்கத்தை எதிர்த்துப் போராடவும் உதவுகிறது. அதுமட்டுமின்றி, உடலின் நச்சுத்தன்மையை நீக்கி, சரும பொலிவை மேம்படுத்தவும் துணைபுரிகிறது.

கீரை: கீரையில் ஆன்டி ஆக்ஸிடென்டுகள் நிறைந்தது மட்டுமின்றி ஊட்டச்சத்து மிக்கது என்பது பலரும் அறிந்த உண்மை. இதனை உணவில் சேர்த்துக் கொள்வதன் மூலம் ரசாயன கிரீம்கள் இல்லாமல் இயற்கையாகவே சருமத்தை பராமரிக்க முடியும்.

கிட்னி பீன்ஸ் (ராஜ்மா): இதில் புரதங்களும், அதிக ஆக்ஸிஜனேற்றிகளும் உள்ளன. இவை முகப் பொலிவிற்கு வழிவகுப்பதோடு, முகப்பருக்களை குறைக்கவும், நோய் எதிர்ப்பு சக்தியை அதிகரிக்கவும் உதவுகின்றன.