இட்லி, தோசைக்கு ஏற்ற சத்தான வெற்றிலை துவையல் ..!

தேவையான பொருட்கள் : வெற்றிலை - 10, காய்ந்த மிளகாய் - 4 ,வெங்காயம் - ஒன்று ,தேங்காய் துருவல் - சிறிதளவு, பூண்டுப் பல் - 3 ,புளி - சிறிதளவு, உளுத்தம்பருப்பு - ஒரு டீஸ்பூன், கடுகு - அரை டீஸ்பூன், பெருங்காயத்தூள் - கால் டீஸ்பூன், எண்ணெய் - 2 டீஸ்பூன் உப்பு - தேவையான அளவு

செய்முறை: வெற்றிலையில் காம்பு, நடு நரம்பை நீக்கி விட்டு பொடியாக நறுக்கி கொள்ளவும்.

வெங்காயம், பூண்டை பொடியாக நறுக்கி கொள்ளவும்.

வாணலியில் எண்ணெய்விட்டுச் சூடாக்கி, கடுகு, உளுத்தம்பருப்பு, பெருங்காயத்தூள் தாளிக்கவும்.

அதனுடன் காய்ந்த மிளகாய், வெங்காயம், பூண்டு, தேங்காய் துருவல், வெற்றிலை சேர்த்து வதக்கவும். நன்கு வதங்கியதும் புளி, உப்பு சேர்த்துச் சிறிது நேரம் வதக்கி இறக்கவும்

ஆறியதும் மிக்ஸியில் போட்டு சிறிது தண்ணீர் சேர்த்த துவையலாக அரைத்து எடுக்கவும்.

இப்போது சத்தான சுவையான வெற்றிலைத் துவையல் ரெடி.