மொறுமொறுப்பான கார தட்டை எளிதில் செய்யலாம் வாங்க!

தேவையான பொருட்கள்: பச்சரிசி மாவு -2 கப், உளுந்தம் பருப்பு -1/4 கப் (வறுத்து அரைத்தது), பொட்டுக்கடலை மாவு- 4 கப், கடலைப் பருப்பு - 4 டீஸ்பூன் (ஊறவைத்தது), நுணுக்கிய பூண்டு -10, கறிவேப்பிலை - தேவையான அளவு, பெருங்காயம் -½ ஸ்பூன், மிளகாய்த் தூள் -1 ஸ்பூன், உப்பு - தேவையான அளவு, எண்ணெய் - தேவையான அளவு

செய்முறை: இரண்டு கப் அளவு பச்சரிசி மாவை ஒரு கடாயில் போட்டு, அடுப்பை மிதமான தீயில் வைத்து உலர்வாக வறுக்க வேண்டும். மாவில் ஈரப்பதமே இருக்கக் கூடாது. வறுத்த மாவை தனியாக ஒரு பாத்திரத்தில் கொட்டி, நன்றாக ஆற வைத்துவிடுங்கள்.

கடலைப் பருப்பை தண்ணீரில் நன்கு ஊற வைக்கவும். வறுத்து அரைத்த உளுந்த மாவை எடுத்துக் கொள்ளவும். வறுத்த மாவுகளை ஒரு தனி பாத்திரத்தில் எடுத்துக் கொள்ளுங்கள்.

அதனுடன், பொட்டுக்கடலை மாவு, உப்பு, மிளகாய்த் தூள், பெருங்காயம், கறிவேப்பில்லை, நுணுக்கிய பூண்டு மற்றும் ஊறவைத்த கடலைப் பருப்பு ஆகியவற்றை சேர்த்து நன்கு கலக்கிக் கொள்ளவும்.

தண்ணீர் மற்றும் சிறிது சூடான எண்ணெய் சேர்த்து நன்கு மாவை பிசைந்து கொள்ளவும். தட்டை மாவு தயார்.

இந்த மாவை உருண்டை பிடித்து, உள்ளங்கையில் வைத்து தட்டைபோல் அழுத்தவும்.

கடாயில் எண்ணெய் ஊற்றி, காய்ந்ததும் அதனை நன்கு பொரிக்கவும். இரண்டு புறமும் நன்கு பொரிந்த பின்பு அதை எடுத்து சிறிது நேரம் எண்ணெய் வடியச்செய்தால், சுவையான, காரமான தட்டை தயார்.