மும்பை,
பா.ஜனதா முன்னாள் எம்.பி. கிரித் சோமையா குறித்த ஆபாச வீடியோ ஒன்று மராத்தி செய்தி சேனலில் வெளியாகி அதிர்ச்சியை ஏற்படுத்தியது. இதுதெடர்பாக கிரித் சோமையாவுக்கு எதிராக விசாரணை நடத்த வேண்டும் என்றும் எதிர்க்கட்சிகள் போராட்டத்தில் ஈடுபட்டு வருகின்றன. இந்தநிலையில் கிரித் சோமையா, "தான் எந்த பெண்ணையும் துன்புறுத்தவில்லை. இந்த வீடியோவின் உண்மை தன்மை குறித்து விசாரணை நடத்த வேண்டும்" என்று கோரிக்கை வைத்துள்ளார். நேற்று முன்தினம் சட்டசபையில் துணை முதல்-மந்திரி தேவேந்திர பட்னாவிஸ், "கிரித் சோமையா மீதான புகார் குறித்து விரிவான விசாரணை நடத்தப்படும்" என்று உறுதி அளித்திருந்தார். இந்தநிலையில் போலீஸ் முத்த அதிகாரி ஒருவர் கூறுகையில், "மும்பை குற்றப்பிரிவு போலீசார் இந்த வீடியோ குறித்து விசாரணை நடத்தி வருகின்றனர். வீடியோவின் உண்மைத்தன்மையை உறுதிசெய்ய சைபர் மற்றும் தொழில்நுட்ப வல்லுனர்களின் உதவியை நாடியுள்ளோம்" என்றார்.