பலருக்கும் பிடித்த காய்கறி வகைகளில் பச்சைப் பட்டாணியும் ஒன்று. பீஸ் புலாவ், குருமா, கட்லட், வெஜ் பிரியாணி என எல்லாவகை ரெசிபியிலும் பச்சைப் பட்டாணியை சேர்ப்பார்கள். இதில் புரதம் மற்றும் நார்ச்சத்து அதிக அளவில் உள்ளது. அதுமட்டுமில்லாமல் இரும்புச்சத்து, போலேட், கால்சியம், பாஸ்பரஸ், தையமின், மாங்கனீசு, ஆன்டி-ஆக்சிடன்டுகள், வைட்டமின்கள் ஏ, கே, சி போன்ற சத்துக்களும் உள்ளன.
தற்போது விலை மலிவாகக் கிடைக்கும் பச்சைப் பட்டாணியை 'பிளான்ச்சிங்' முறையில் பதப்படுத்தி, குளிர்சாதனப் பெட்டியில் பாதுகாப்பதன் மூலம் அதன் சத்துக்களை இழக்காமல் வருடம் முழுவதும் பயன்படுத்த முடியும். இதை எப்போது வேண்டுமானாலும் சட்டென சமையலுக்குப் பயன்படுத்திக் கொள்ளலாம்.
பச்சைப் பட்டாணியை எவ்வாறு பதப்படுத்துவது என்று இங்கே தெரிந்துகொள்வோம்.