குளித்தலை,
குளித்தலையில் உள்ள அரசு பெண்கள் மேல்நிலைப்பள்ளியில் அறிவியல் கண்காட்சி நடந்தது. இதனை குளித்தலை கல்வி மாவட்ட அலுவலர் பாலசுப்பிரமணியன் தலைமை தாங்கி தொடங்கி வைத்தார். பள்ளி தலைமை ஆசிரியை மஞ்சுளா முன்னிலை வகித்தார். பள்ளியில் உள்ள 9-ம் வகுப்பு முதல் 12-ம் வகுப்பு வரை உள்ள மாணவிகள் சார்பில் 7 தலைப்புகளின் கீழ் மொத்தம் 93 படைப்புகள் கண்காட்சியில் வைக்கப்பட்டிருந்தன. இதில் 12-ம் வகுப்பு மாணவி பார்கவி, 11-ம் வகுப்பு அக்சரா, 10-ம் வகுப்பு மாணவிகள் தேவதர்ஷிகா, சுவாதி, 9-ம் வகுப்பு மாணவிகள் கலைவாணி, இனியாழினி, தனுசியா ஆகிய 7 மாணவிகளின் படைப்புகள் சிறந்த படைப்பாக தேர்வு செய்யப்பட்டன.
இந்த மாணவிகள் மாவட்ட அளவில் நடைபெற உள்ள அறிவியல் கண்காட்சியில் பங்கேற்க தகுதி பெற்றுள்ளனர். இந்த கண்காட்சியை இப்பள்ளியில் உள்ள அனைத்து ஆசிரியர்கள், மாணவிகள் உள்ளிட்டோர் பார்வையிட்டனர்.