தரத்திலும் சரி, வசூல் சாதனையிலும் சரி, இந்தி படங்களை விட, தென்னிந்திய சினிமா தரமான படங்களை தந்து நிமிர்ந்து நிற்கிறது. சில தென்னிந்திய படங்கள், இந்தி படங்களை விட அதிக வசூல் செய்து சாதனை புரிந்து வருகிறது. இதற்கு `பாகுபலி' நல்ல உதாரணம். அடுத்து, `சாஹோ' படத்தை உதாரணமாக கூறலாம்.
ரஜினிகாந்த் நடித்த `பேட்ட, விஜய் நடித்த `பிகில்,' அஜித் நடித்த `விஸ்வாசம்,' `நேர்கொண்ட பார்வை' ஆகிய படங்களும் இந்தி படங்களுக்கு சவாலாக அமைந்தன. இந்தி படங்களுக்கு இணையாகவும், அதை விட தாண்டியும் இந்த படங்கள் வசூல் செய்தன!