சச்சினுக்கு பிறகு....தோனிக்கு தான் இந்தியா முழுவதும் ரசிகர்கள் ஆதரவு இருக்கிறது..! பொல்லார்ட் புகழாரம்

மும்பை,

16-வது ஐ.பி.எல். கிரிக்கெட் திருவிழாவில் இன்று (சனிக்கிழமை) இரண்டு லீக் ஆட்டங்கள் நடக்கின்றன. இதில் இரவு 7.30 மணிக்கு மும்பை வான்கடே ஸ்டேடியத்தில் அரங்கேறும் 12-வது லீக்கில் முன்னாள் சாம்பியன்கள் சென்னை சூப்பர் கிங்சும், மும்பை இந்தியன்சும் கோதாவில் குதிக்கின்றன.

ஐ.பி.எல். கிரிக்கெட்டில் சென்னை-மும்பை மோதல் என்றாலே எப்போதும் அனல் பறக்கும். ரசிகர்களின் ஆர்வமும் எகிறும். இந்த ஆட்டமும் அதற்கு விதிவிலக்கல்ல. இவ்விரு அணிகளும் இதுவரை 34 ஆட்டங்களில் நேருக்கு நேர் மோதியுள்ளன. இதில் 20-ல் மும்பையும், 14-ல் சென்னையும் வெற்றி கண்டன.

இந்த நிலையில் மும்பை அணியின் முன்னாள் வீரரும் தற்போதைய பேட்டிங் பயிற்சியாளருமான கைரன் பொல்லார்டு , தோனிக்கு இருக்கும் ஆதரவு குறித்து பேசியுளளார்.

இது குறித்து அவர் கூறியதாவது ,

தோனி எங்கு சென்றாலும் அவருக்கு உள்ளூர் ஆதரவு போல , ரசிகர்களின் ஆதரவு இருக்கும் . ஏனென்றால் அவர் அணிக்காக அவ்வளவு செய்துள்ளார்.

பல ஆண்டுகளுக்கு முன்பு எங்களுடைய அடையாளமான சச்சின் தெண்டுல்கர் இருந்தபோது நாங்கள் அந்த ஆதரவை உணர்ந்திருக்கிறோம். இந்தியா முழுவதும் எங்கு சென்றாலும் எங்களுக்கு அந்த ஆதரவு இருந்தது. என கூறியுள்ளார்.