துபாய்,
சர்வதேச கிரிக்கெட் கவுன்சில் (ஐ.சி.சி.), 20 ஓவர் போட்டி வீரர்களின் புதிய தரவரிசை பட்டியலை நேற்று வெளியிட்டது. இதில் பேட்ஸ்மேன்களின் தரவரிசையில் இந்திய வீரர் தினேஷ் கார்த்திக் 108 இடங்கள் முன்னேறி 87-வது இடத்தை பிடித்துள்ளார்.
தென்ஆப்பிரிக்காவுக்கு எதிரான 4-வது ஆட்டத்தில் 27 பந்துகளில் 55 ரன்கள் விளாசியதன் மூலம் இந்த ஏற்றம் கிடைத்துள்ளது. இஷான் கிஷன் ஒரு இடம் உயர்ந்து 6-வது இடத்தை பிடித்துள்ளார். டாப்-10 இடத்திற்குள் அங்கம் வகிக்கும் ஒரே இந்தியர் இவர் தான்.
இதில் பாகிஸ்தான் கேப்டன் பாபர் அசாம் முதலிடத்தில் நீடிக்கிறார். மேலும் பந்து வீச்சாளர்களின் தரவரிசையில் ஆஸ்திரேலியாவின் ஹேசில்வுட் முதலிடத்திலும், இங்கிலாந்தின் அடில் ரஷித் 2-வது இடத்திலும் தொடர்கிறார்கள்.