லண்டன்,

இங்கிலாந்தில் தி ஹண்ட்ரட் கிரிக்கெட் லீக் (100 பந்துகள் கிரிக்கெட்) தொடர் நடைபெற்று வருகிறது. இந்த தொடரில் நேற்று நடைபெற்ற லீக் ஆட்டத்தில் ஓவல் இன்விசிபிள்ஸ் - ட்ரெண்ட் ராக்கெட்ஸ் அணிகள் மோதின.

இந்த போட்டியில் முதலில் பேட்டிங் செய்த ட்ரெண்ட் ராக்கெட்ஸ் அணி 100 பந்துகளில் 7 விக்கெட்டை இழந்து 171 ரன்கள் குவித்தது. ட்ரெண்ட் ராக்கெட்ஸ் தரப்பில் ரூட் 76 ரன்கள் அடித்தார். ஓவல் இன்விசிபிள்ஸ் தரப்பில் டாம் கர்ரன், ரஷித் கான் தலா 2 விக்கெட் வீழ்த்தினர்.

தொடர்ந்து 172 ரன் எடுத்தால் வெற்றி என்ற இலக்குடன் ஆடிய ஓவல் இன்விசிபிள்ஸ் அணி 89 பந்துகளில் 4 விக்கெட்டை மட்டும் இழந்து 173 ரன்கள் எடுத்து 6 விக்கெட் வித்தியாசத்தில் அபார வெற்றி பெற்றது. ஓவல் இன்விசிபிள்ஸ் தரப்பில் ஜோர்டன் காக்ஸ் 58 ரன் எடுத்தார்.