லண்டன்,

இந்திய கிரிக்கெட் அணி அடுத்ததாக இங்கிலாந்தில் சுற்றுப்பயணம் மேற்கொண்டு 5 போட்டிகள் கொண்ட டெஸ்ட் தொடரில் விளையாட உள்ளது. 4-வது உலக டெஸ்ட் சாம்பியன்ஷிப் சுழற்சிக்கு உட்பட்ட தொடர் இது என்பதால் இரு அணிகளுக்கும் முக்கியத்துவம் வாய்ந்ததாக கருதப்படுகிறது.

அத்துடன் புதிய கேப்டன் சுப்மன் கில் தலைமையில் இந்திய அணி எப்படி விளையாட போகிறது? என்ற கேள்வி பலரது மத்தியில் எழுந்துள்ளது. மேலும் இந்த தொடரில் இந்திய வேகப்பந்து வீச்சாளரான ஜஸ்பிரித் பும்ரா எப்படி? அசத்த போகிறார் என்ற எதிர்பார்ப்பு அதிகரித்துள்ளது.

ஏனெனில் தற்சமயம் உலகின் நம்பர் 1 பவுலராக உள்ள பும்ரா இந்த தொடரில் அசத்தும் பட்சத்தில் அது இந்திய அணிக்கு கண்டிப்பாக நல்லதாக அமையும்.

இந்த சூழலில் இங்கிலாந்து முன்னாள் வீரரான மாண்டி பனேசரிடம் ஜஸ்பிரித் பும்ரா மற்றும் ஜேம்ஸ் ஆண்டர்சன் இருவரில் யார் சிறந்த பந்துவீச்சாளர்? என்று கேள்வி எழுப்பப்பட்டது.

அதற்கு பதிலளித்த பனேசர், "இதற்கு என்னுடைய பதில் ஆன்டர்சன்தான். ஏனெனில் எல்லா சூழ்நிலையிலும், பல்வேறு காலகட்டங்களில் ஆண்டர்சன் செயல்பட்ட விதத்தை பார்க்கையில் அவர் ஒரு சிறந்த பந்து வீச்சாளர் என்று நான் நினைக்கிறேன்" என கூறினார்.