புதுடெல்லி,
முதலாவது பெண்கள் ஐ.பி.எல். 20 ஓவர் கிரிக்கெட் போட்டி அடுத்த ஆண்டு மார்ச் மாதம் இந்திய கிரிக்கெட் வாரியம் சார்பில் நடத்தப்படுகிறது. இந்த போட்டிக்கான அட்டவணை, திட்டமிடல் போன்ற விவரங்கள் வெளியாகியுள்ளன.
இதன்படி இந்த போட்டியில் மொத்தம் 5 அணிகள் பங்கேற்கின்றன. ஒவ்வொரு அணியும் மற்ற அணிகளுடன் தலா 2 முறை மோத வேண்டும். முதலிடத்தை பிடிக்கும் அணி நேரடியாக இறுதிப்போட்டிக்கு முன்னேறும். மற்றொரு அணி 2-வது, 3-வது இடத்தை பிடிக்கும் அணிகளில் இருந்து தேர்வாகும். களம் காணும் ஆடும் லெவன் அணியில் 5 வெளிநாட்டு வீராங்கனைகளை அனுமதிக்க கிரிக்கெட் வாரியம் முடிவு செய்துள்ளது.