புதுடெல்லி,
ஐக்கிய அரபு அமீரகத்தில் 8 அணிகள் பங்கேற்றுள்ள ஐ.பி.எல். கிரிக்கெட் போட்டிகள் கடந்த செப்டம்பர் 19ந்தேதி தொடங்கி நடந்து வருகின்றன.
இதனை தொடர்ந்து வருகிற நவம்பர் 4ந்தேதி முதல் 9ந்தேதி வரை 3 அணிகள் கலந்து கொள்ளும் மகளிர் டி20 கிரிக்கெட் போட்டிகள் நடைபெற உள்ளன. இதற்காக சூப்பர்நோவா, டிரெயில்பிளேசர்ஸ் மற்றும் வெலாசிட்டி ஆகிய 3 மகளிர் அணிகள் அறிவிக்கப்பட்டு உள்ளன.
இந்த அணிகளுக்கான கேப்டன்களாக முறையே ஹர்மன்பிரீத் கவுர், ஸ்மிரிதி மந்தனா மற்றும் மிதாலி ராஜ் ஆகியோர் தேர்வு செய்யப்பட்டு உள்ளனர். இதனை இந்திய கிரிக்கெட் கட்டுப்பாட்டு வாரியம் இன்று அறிவித்து உள்ளது.