வெல்லிங்டன்,

ஜிம்பாப்வேக்கு சென்றுள்ள நியூசிலாந்து கிரிக்கெட் அணி 2 போட்டிகள் கொண்ட டெஸ்ட் தொடரில் ஆடி வருகிறது. இதில் முதல் போட்டியில் நியூசிலாந்து வெற்றி பெற்று தொடரில் 1-0 என முன்னிலையில் உள்ளது. இரு அணிகளுக்கும் இடையிலான 2வது டெஸ்ட் போட்டி நாளை தொடங்குகிறது.

இந்நிலையில், ஜிம்பாப்வேவுக்கு எதிரான எஞ்சிய டெஸ்ட் தொடரில் இருந்து நியூசிலாந்து வேகப்பந்து வீச்சாளர் வில்லியம் ஓ ரூர்க் விலகி உள்ளார். முதுகு பகுதியில் ஏற்பட்ட காயம் காரணமாக அவர் தொடரில் இருந்து விலகி உள்ளதாக அறிவிக்கப்பட்டுள்ளது.

அவருக்கு பதிலாக இடது கை வேகப்பந்து வீச்சாளர் பென் லிஸ்டர் அணியில் சேர்க்கப்பட்டுள்ளதாகாவும் தெரிவிக்கப்பட்டுள்ளது.