சென்னை,
சென்னை மாவட்ட கைப்பந்து சங்கம் சார்பில், டாக்டர் ரெலா இன்ஸ்டிடியூட் மற்றும் மருத்துவ மையம், ஆச்சி மசாலா நிறுவனம் ஆகியவை ஆதரவுடன் ஏ டிவிசன் கைப்பந்து லீக் போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் 3-வது நாளான நேற்று நடந்த லீக் ஆட்டம் ஒன்றில் சுங்க இலாகா அணி 25-20, 25-22, 26-24 என்ற நேர்செட்டில் பனிமலர் என்ஜினீயரிங் கல்லூரி அணியை வீழ்த்தி 2-வது வெற்றியை ருசித்தது. மற்றொரு ஆட்டத்தில் எஸ்.ஆர்.எம். பல்கலைக்கழக அணி 19-25, 21-25, 23-25 என்ற நேர்செட்டில் செயின்ட் ஜோசப்ஸ் என்ஜினீயரிங் கல்லூரி அணியிடம் தோல்வி கண்டது. இந்த போட்டி இன்று முதல் 3 நாட்கள் அரும்பாக்கத்தில் உள்ள டி.ஜி.வைஷ்ணவா கல்லூரி மைதானத்தில் நடக்கிறது.