ஐ.எஸ்.எல். கால்பந்து: ஆறுதல் வெற்றிபெற்ற ஈஸ்ட் பெங்கால் அணி

மும்பை,

11 அணிகள் இடையிலான இந்தியன் சூப்பர் லீக் (ஐ.எஸ்.எல்.) கால்பந்து தொடரில் மும்பையில் நேற்றிரவு நடந்த லீக் ஆட்டம் ஒன்றில் ஈஸ்ட் பெங்கால் அணி 1-0 என்ற கோல் கணக்கில் பலம் வாய்ந்த மும்பை சிட்டிக்கு அதிர்ச்சி அளித்தது. வெற்றிக்குரிய கோலை பெங்கால் அணி வீரர் நாரெம் மகேஷ் சிங் 52-வது நிமிடத்தில் அடித்தார்.

என்றாலும் மும்பை அணி 14 வெற்றி, 4 டிரா, 2 தோல்வி என்று 46 புள்ளிகளுடன் ஏற்கனவே அரைஇறுதியை எட்டியதுடன், புள்ளி பட்டியலிலும் முதலிடத்தை பிடித்து அதற்குரிய கோப்பையை பெற்றது.

அதே சமயம் 19-வது ஆட்டத்தில் ஆடி 6-வது வெற்றியை பெற்ற ஈஸ்ட் பெங்கால் அணி, பிளே-ஆப் வாய்ப்பை இழந்து விட்டதால் இது அவர்களுக்கு ஆறுதல் வெற்றியாகவே அமைந்தது.